Kynning á Metal-áskrift með árlegri innheimtu

Kynning á Metal-áskrift með árlegri innheimtu

Um hvað snýst kynningin?

Hver: Núverandi viðskiptavinir með Revolut-notendareikninga samkvæmt greiddu Metal-áskriftinni í Austurríki, Belgíu, Bretlandi, Búlgaríu, Eistlandi, Finnlandi, Hollandi, Íslandi, Króatíu, Kýpur, Lettlandi, Liechtenstein, Litáen, Lúxemborg, Möltu, Noregi, Slóvakíu, Slóveníu, Spáni, Svíþjóð, Tékklandi, Ungverjalandi og Þýskalandi (gjaldgengir markaðir).

Hvað: tækifæri til að fá ókeypis aðgang að setustofu (umbunin Aðgangur að setustofu).

Hvenær: kynningin stendur yfir í tiltekinn tíma (kynningartímabilið) sem kemur fram í boðinu sem þú færð um að taka þátt í kynningunnimeð tölvupósti, textaskilaboðum, skilaboðum í forritinu eða tilkynningum í síma (boðið í kynninguna).

Þessir skilmálar og boðið í kynninguna kveða á um það hvernig kynningin virkar og fer fram (kynningarskilmálarnir). Þegar þú tekur þátt í kynningunni verður þú ævinlega að hlíta ákvæðunum í þessum kynningarskilmálum, þ.e. persónulegu skilmálunum, skilmálunum fyrir aðgang að setustofu á flugvelli, skilmálum fyrir greiddu áskriftina og skilmálum fyrir tengdpersónuleg gjöld (Metal).

Skilyrði fyrir þátttöku og áskilin skref

Til að geta fengið umbunina Aðgangur að setustofu verður þú að:

• vera með skráð heimilisfang á gjaldgengum markaði,
• vera með Revolut-notandareikning án takmarkana,
• vera áskrifandi að greiddri Metal-áskrift með mánaðarlegri innheimtu og
• hafa fengið boð um að taka þátt í kynningunni.

Áskilin skref eru sem hér segir:

1. Skiptu yfir í árlega innheimtu fyrir greidda Metal-áskrift (til að gera þetta skaltu fara í Revolut-forritið → notandamynd → „áskriftin þín“ „hafa umsjón með“ → og ýta á „sparnaður með árlegri innheimtu“ til að skipta yfir í árlega innheimtu).
2. Haltu árlegri innheimtu á greiddu Metal-áskriftinni þinni í að minnsta kosti 14 daga eftir að þú skiptir yfir í árlega innheimtu.

Breytingin úr mánaðarlegri yfir í árlega innheimtu tekur gildi tafarlaust. Næsta innheimtutímabil þitt verður eitt ár frá því að þú skiptir yfir í árlega innheimtu. Ef þú hefur þegar greitt mánaðargjaldið fyrir desember á þeim degi þegar þú gerir breytinguna færðu þá fjárhæð endurgreidda.

Ef þú ákveður að skipta aftur yfir í mánaðarlega innheimtu fyrir lok 14 daga tímabilsins endurgreiðum við þér áskriftargjaldið fyrir eitt ár að fullu. Þú verður hins vegar ekki gjaldgeng(ur) til þátttöku í þessari kynningu og munt ekki fá aðgang að umbuninni Aðgangur að setustofu.

Almennar afturköllunarreglur gilda. Gjald fyrir niðurfærslu Metal-áskriftarinnar þinnar í aðra Revolut-áskriftarleið gæti átt við, eftir því hvaða lögaðili innan Revolut-samstæðunnar útvegar þér Revolut-notandareikninginn þinn, og áskriftin þín gæti einnig verið með lágmarksgildistíma og því ekki hægt að niðurfæra hana á þeim tíma. Frekari upplýsingar er að finna í 11. og 12. hluta í skilmálum fyrir greiddu áskriftina.

Hvernig fæ ég umbunina Aðgangur að setustofu?

Innan 7 daga frá því að áskildum skrefum er lokið munum við færa umbunina Aðgangur að setustofu inn á Revolut-reikninginn þinn. Þú færð tölvupóst á netfangið sem er skráð á Revolut-reikninginn þar sem þér er tilkynnt að þú hafir aðgang að umbuninni Aðgangur að setustofu. Þú getur fundið umbunina Aðgangur að setustofu í Revolut-forritinu, í hlutanum þar sem fjallað er um slíkan aðgang í Metal-áskriftinni þinni.

Umbunin Aðgangur að setustofu gildir fyrir eina heimsókn og heldur gildi svo lengi sem þú ert með opinn Revolut-reikning.

Ekki er hægt að skipta út, millifæra eða greiða út umbunina Aðgangur að setustofu í reiðufé.

Skilmálunum fyrir aðgang að setustofu á flugvelli gilda um umbunina Aðgangur að setustofu.

Lagaleg atriði

1. Við kunnum að breyta, stöðva tímabundið eða ljúka kynningunni fyrir framangreindan lokadag ef gild ástæða er til að ætla að kynningin hafi verið misnotuð eða gæti haft neikvæð áhrif á viðskiptavild eða orðspor Revolut, eða við kringumstæður sem ekki er raunhæft að sjá fyrir eða eru ekki undir okkar stjórn og sem gera okkur ókleift að halda áfram með kynninguna. Við gætum gert þetta í hverju landi fyrir sig eða fyrir kynninguna í heild.
2. Ef við þurfum að breyta, stöðva tímabundið eða ljúka kynningunni fyrir lok kynningartímabilsins tilkynnum við það á sama hátt og kynningin var tilkynnt og látum þig vita með fyrirvara í gegnum Revolut-forritið eða með tölvupósti (ef þú ert með kveikt á kjörstillingum fyrir tölvupóst). Breytingar á kynningarskilmálunum hafa ekki áhrif á réttindi þín ef þú hefur þegar tekið þátt í kynningunni. Hafðu samband við þjónustuverið í gegnum Revolut-forritið eða með tölvupósti á support@revolut.com ef þú telur þig eiga rétt á tilteknum fríðindum í tengslum við kynninguna sem þú hefur ekki fengið vegna þess að kynningin var stöðvuð tímabundið eða henni lokið snemma.
3. Revolut ber ekki ábyrgð á neinu tjóni sem verður ekki rakið til mistaka eða vítaverðs gáleysis, hvort sem það er beint eða óbeint, vegna atviks sem það hefur ekki stjórn á, og sem veldur því að við getum ekki haldið kynningunni áfram eins og til stóð. Framangreind ákvæði útiloka á engan hátt ábyrgð Revolut samkvæmt almennum ákvæðum í gildandi lögum á þínu svæði.
4. Ef þú lokar Revolut-notandareikningnum þínum eða reikningnum verður lokað tímabundið eða takmarkanir settar á hann áður en þú áttir að fá umbunina Aðgangur að setustofu eða á tímabilinu milli þess sem þú öðlaðist rétt á umbuninni Aðgangur að setustofu og þar til þú fékkst hana kanntu að missa rétt þinn á henni.
5. Revolut þarf að vinna úr persónuupplýsingunum þínum til að uppfylla skyldur okkar samkvæmt þessum kynningarskilmálum. Nánari upplýsingar um hvernig við meðhöndlum persónuupplýsingarnar þínar er að finna í persónuverndaryfirlýsingu okkar fyrir viðskiptavini.
6. Þessir kynningarskilmálar eru birtir á ensku. Í lagalegum málum gildir enska útgáfan nema staðbundin tungumálaútgáfa gildi. Ef staðbundið tungumál á þínum stað skal gilda látum við þig vita í töflunni yfir lögaðila hér að neðan.

Sá lögaðili innan Revolut-samstæðunnar sem útvegar þér Revolut-notandareikninginn þinn sér um skipulag og framboð þessarar kynningar. Ef þú ert með kvörtun vegna þessarar kynningar geturðu sent kvörtunina beint til viðkomandi lögaðila. Upplýsingar um skráð heimilisföng allra lögaðila innan Revolut-samstæðunnar, um gildandi tungumál og um viðkomandi lög og dómstóla sem hafa lögsögu til að skera úr um hugsanleg ágreiningsmál í tengslum við þessa kynningu er að finna hér á eftir. Þú getur borið fyrir þig lögboðnar reglur um neytendavernd í landinu þar sem þú býrð.