Skilmálar fyrir tilvísanir í viðskipti

Um hvað snýst kynningin?

Revolut gefur núverandi viðskiptavinum sínum með Revolut-notandareikning kost á að vinna sér inn tilvísunarumbun í formi reiðufjár sem er lagt inn á notandareikning þeirra („umbunin“) með því að vísa einhverjum („sá sem er boðið“) á að skrá sig fyrir Revolut-viðskiptareikningi („kynningin“). Þessi kynning er í boði fyrir alla viðskiptavini með Revolut-notandareikning sem eru búsettir í Bretlandi, Sviss eða EES nema Spánn, Rúmeníu, Ítalíu, Lúxemborg, Liechtenstein, Möltu og Króatíu („gjaldgengir markaðir“).

Allt sem sá sem er boðið þarf að gera er að ljúka skrefunum sem eru sett fram í þessum skilmálum („skilmálarnir“). Þeir sem er boðið kunna að verða valdir á grunni ákveðinna viðmiða eins og að hafa átt viðskipti í tilteknum flokkum söluaðila, vera 18 ára eða eldri, vera með virkan smásölureikning í tiltekinn tíma og vera með gjaldgenga, greidda áskrift. Þeir sem er boðið verða auk þess að hafa móttekið og sent lágmarksviðskiptaveltu, greitt með korti og verið virkir í tiltekinn fjölda daga undanfarna þrjá mánuði. Hver sá sem hefur móttekið boð í kynninguna beint frá okkur á reit á heimaskjánum í Revolut-forritinu („boð um tilvísun í forriti“) er gjaldgengur til að vísa á einhvern. Við sendum þér einnig tölvupóst á netfangið sem skráð er á Revolut-notandareikninginn þinn með upplýsingum um allt sem þú þarft að vita (að því gefnu að við höfum rétt á að senda þér Revolut-markaðstölvupóst). Ef þú færð ekki boð um tilvísun í forriti beint frá okkur ertu ekki gjaldgeng(ur).

Kynningin verður í boði innan tiltekinna tímamarka sem eru ákvörðuð í boðinu um tilvísun í forriti. Þetta köllum við „kynningartímabilið“. Umbun verður aðeins greidd ef bæði valinn viðskiptavinur Revolut og sá sem er boðið uppfylla öll skilyrði þessara skilmála á kynningartímabilinu. Stundum gæti sá sem er boðið haft lengri tíma en kynningartímabilið til að ljúka viðeigandi skrefum. Ef þetta á við verður tiltekin dagsetning staðfest í boðinu um tilvísun í forriti.

Skilmálarnir sem gilda um kynninguna samanstanda af þessum skilmálum og upplýsingunum sem fylgja með boðinu um tilvísun í forriti (saman „kynningarskilmálarnir“).

Þú verður að fylgja þessum kynningarskilmálum og persónulegu skilmálunum sem eiga við um Revolut-notandareikninginn þinn þegar þú tekur þátt í kynningunni.

Hvað þarf ég að gera til að taka þátt í þessari kynningu?

Þegar þú færð boð um tilvísun í forriti verður að ljúka eftirfarandi skrefum:

• Bjóddu einhverjum að skrá sig fyrir Revolut-viðskiptareikningi ýmist með því að ýta á hnappinn „Vísa á fyrirtæki“ sem birtist í boðinu um tilvísun í forriti, opna tilvísunarsíðuna í Revolut-forritinu þínu eða í tölvupóstinum frá okkur.
• Þegar þú hefur gert það birtast drög að skilaboðum með einkvæma tilvísunartenglinum þínum. Þú getur sérsniðið skilaboðin og sent þeim sem er boðið.
• Hver sá sem er boðið verður að smella á einkvæma tengilinn þinn til að vera gjaldgengur fyrir kynninguna.

Við staðfestum hámarksfjölda einstaklinga sem þú getur vísað á sem hluta af kynningunni í boðinu um tilvísun í forriti. Ef þú vísar á fleiri en þetta færðu ekki greidda umbun fyrir þá sem er boðið til viðbótar, jafnvel þótt viðkomandi ljúki viðeigandi skrefum.

Upphæð umbunarinnar er einkvæm fyrir þig og hún verður greidd í grunngjaldmiðli Revolut-notandareikningsins þíns. Allar upplýsingar umi upphæð umbunarinnar fyrir hverja tilvísun koma fram í boðinu um tilvísun í forriti.

Hvað þarf sá sem er boðið að gera til að þú fáir umbunina?

Til að þú öðlist rétt á umbun þarf sá sem er boðið að uppfylla eftirfarandi skref á kynningartímabilinu:

• Opna Revolut-viðskiptareikning í fyrsta sinn með því að nota einkvæma tilvísunartengilinn þinn. (Einhver sem hefur áður skráð sig fyrir eða opnað Revolut-viðskiptareikning hjá einhverjum Revolut-aðila óháð tilvísun frá þér ávinnur þér ekki umbun.)
• Leggja inn á reikninginn sinn frá utanaðkomandi aðila (til dæmis með kortaáfyllingu eða millifærslu frá öðrum banka, ekki millifærslu af öðrum Revolut-viðskiptareikningi). Ekki er krafist lágmarksupphæðar.
• Panta kort (greiða gæti þurft gjald fyrir afhendingu og/eða gjald fyrir kortið sjálft líkt og samið er um á síðunni „Viðskiptagjöld“ sem gildir um nýja áskrift þess sem er boðið að viðskiptareikningi).
• Gera tiltekinn fjölda kaupa með korti yfir tilskilinni lágmarksfjárhæð. Fjöldi kaupa með korti og lágmarksfjárhæð sem krafist er fyrir hver kaup, eða öll kaup, eru sett fram í boðinu um tilvísun í forriti. Hægt er að gera þessi kaup með sýndarkorti eða áþreifanlegu korti og þetta verða að vera raunveruleg kaup (t.d. eru kortafærslur til þjónustuveitenda sem sjá um greiðsluþjónustu, fjárhættustarfsemi, gjafakort eða gjaldmiðlaskipti og peningamillifærslur ógildar). Lágmarksfjárhæð sem krafist er ákvarðast af landi tilvísanda.

Sá sem er boðið þarf að:

• vera með réttarstöðu lögaðila;
• vera alveg nýr viðskiptavinur í Revolut-viðskiptum, án núverandi eða fyrri Revolut-viðskiptareikninga eða -notandaprófíla (jafnvel óvirkra); og
• vera ótengdur öllum slíkum reikningum.

Ef þú uppfyllir viðmið um gjaldgengi fyrir þann sem er boðið er þér heimilt að vísa á þig, en það er aðeins hægt að gera einu sinni fyrir hvert fyrirtæki. Þú færð ekki greidda umbun (eða umbun sem hefur áður verið greidd kann að verða afturkölluð) ef sá sem er boðið hættir við eitt af þessum skrefum eftir á. Ef viðkomandi lokar t.d. Revolut-viðskiptareikningnum sínum innan 14 daga frá því að hann var opnaður, segir upp kortinu sínu áður en það berst eða hættir við kaup með korti eða fær þau endurgreidd.

Þegar þú býður einhverjum að taka þátt í Revolut-viðskiptum samþykkirðu að:

• þú munir ekki (reyna að) villa um fyrir neinum í tengslum við kynninguna;
• einungis þú sért sendandi boðsins um tilvísun;
• þú bjóðir aðeins einstaklingum sem þú þekkir;
• þú hafir heimild til að hafa samband við viðkomandi;
• þú munir ekki „senda ruslpóst“, villa um fyrir eða reyna að villa um fyrir neinum; og
• fara að öllum gildandi lögum.

Hvaða aðrar lagalegar upplýsingar þarf ég að hafa?

1. Kynningin er einhliða herferð þar sem aðeins sá viðskiptavinur Revolut sem var boðið að vísa á vin (ekki sá sem er boðið) getur fengið umbun.
2. Til að þú öðlist rétt á umbun verðurðu að vera með virkan notandareikning (sem þýðir að reikningurinn þinn sé ekki takmarkaður, lokaður tímabundið eða lokaður endanlega) meðan á kynningunni stendur og þegar við eigum að veita reikningnum þínum umbun.
3. Við staðfestum í boðinu um tilvísun í forriti hvenær þú getur búist við að fá umbun sem þú átt rétt á sem hluta af kynningunni.
4. Við áskiljum okkur rétt til að bakfæra hvers kyns umbun sem er lögð inn á Revolut-notandareikninginn þinn ef við fáum upplýsingar um að þú hafir brotið gegn þessum kynningarskilmálum. Í slíkum tilvikum samþykkirðu að bakfæra umbunina og heimilar slíka bakfærslu.
5. Við gætum breytt, stöðvað tímabundið eða lokið kynningunni fyrir lok kynningartímabilsins ef kynningin er misnotuð eða kann að hafa neikvæð áhrif á viðskiptavild eða orðspor Revolut, eða vegna ófyrirséðra aðstæðna sem gætu leitt til þess að við getum ekki haldið kynningunni áfram. Við gætum fellt kynninguna tímabundið úr gildi eða hætt við hana í hverju landi fyrir sig eða fyrir kynninguna í heild.
6. Ef við þurfum að breyta kynningunni, stöðva hana tímabundið eða ljúka henni fyrir lok kynningartímabilsins látum við þig vita í forritinu og/eða með tölvupósti. Revolut skal ekki bera ábyrgð á neinu tjóni sem verður ekki rakið til mistaka eða vanrækslu Revolut eða þriðju aðila í samstarfi við Revolut, hvort sem það er beint eða óbeint, vegna aðstæðna sem við höfum enga stjórn yfir, sem valda því að við getum ekki haldið kynningunni áfram eins og til stóð. Framangreind ákvæði útiloka á engan hátt ábyrgð Revolut samkvæmt almennum ákvæðum í gildandi lögum á þínu svæði. Hafðu samband við þjónustuver ef þú telur þig eiga rétt á tilteknum fríðindum í tengslum við kynninguna sem þú hefur ekki fengið vegna þess að kynningin var stöðvuð tímabundið eða henni lokið snemma.
7. Með því að taka þátt í þessari kynningu staðfestirðu að þú gerir þér grein fyrir að öll umbun kann að falla undir tekjuskatt í landinu sem þú býrð í og/eða á því yfirráðasvæði þar sem þú ert skattskyld(ur). Það er eingöngu á þína ábyrgð að greiða hvers kyns skatta sem falla til vegna viðtöku hvers kyns umbunar. Revolut ber enga bótaábyrgð á neinum skattalegum skuldbindingum sem komið geta til vegna viðtöku hvers kyns umbunar sem hluta af þessari kynningu.
8. Skilmálarnir í þessu tiltekna skjali eru birtir á ensku. Ef þeir eru þýddir á annað tungumál er þýðingin aðeins til viðmiðunar og enska útgáfan á við og hægt er að nota hana í málarekstri, nema annað sé tekið fram í töflunni hér á eftir. Ef lög kveða hins vegar á um að nota eigi staðartungumálið skal viðkomandi tungumál hvers staðar gilda.
9. Farið verður með allar persónuupplýsingar sem unnið er með eða sem er stjórnað meðan á kynningunni stendur í samræmi við persónuverndaryfirlýsingu Revolut fyrir viðskiptavini sem gildir um Revolut-notandareikninginn þinn. Þú getur kynnt þér persónuverndaryfirlýsingar fyrir viðskiptavini Revolut Ltd og aðila/útibú sem þjónusta markaði EES og Sviss hér.

Einingin innan Revolut-samstæðunnar sem veitir þér notandareikninginn þinn sér um skipulag og framboð þessarar kynningar. Ef þú ert með kvörtun vegna þessarar kynningar geturðu sent hana beint til viðkomandi aðila. Upplýsingar um skráð heimilisföng allra eininga innan Revolut-samstæðunnar, og um viðkomandi lög og dómstóla sem hafa lögsögu til að skera úr um hugsanleg ágreiningsmál í tengslum við þessa kynningu, má finna hér fyrir neðan. Þú getur borið fyrir þig lögboðnar reglur um neytendavernd í landinu þar sem þú býrð.